اولا المقادير:
طبعا على حسب اكلة كل واحدة تقدر تحدد مقاديرها
فرخة متوسطة مقطعة
4 كوب ارز بسمتى مغسول ومنقوع
طماطم مقطعة مكعبات
بصلة مبشورة
ثوم مقطع
ملح
فلفل اسود-كمون -كسبرة ناشفة
نصف ملعقة صغيرة قرفة-قرنفل حبة نونو-كركم-حبهان -بهارات مندى او كبسة نصف ملعقة صغيرة ولو معندكيش مش مهم
ممكن تحطى بهارات لحمة
وياريت لو عندك لومى اسود وزعفران يبقى تمام يا قمر
الطريقة:
طبعا قبل ما نعمل اى حاجة نغسل الرز ونسيبه يتنقع
ونجيب فرختنا الغالية ونحط عليهاالبصلة المبشورة والملح والفلفل والكمون والبهارات والكركم والقرفة والقرنفل زى كده
ونلخبطها كويس ونسيبها على جنب تتبل على ما نعمل الباقى وبيكون ده شكلها
نجيب التوم بتاعنا الظريف ده اللى قطعناه نونو نونو كده
ونجيب القارب اللى هنعمل فيه المندى ونحط فيه زيت وعلى النار ونحط التوم
ولما يصفر كده
نضيف الطماطم اللى قطعناها مكعبات كدة ونقلبها تقليبتين كده
وبعدين نحط كل البهارات اللى فوق دى ومعاهم الكسبرة الناشفة والحبهان ممكن تفتحيه وتحطى اللى جواه بس
بعدين يا قمامير نحط الرز البسمتى المنقوع ونحطله ميه بس مش كتير علشانه منقوع ونحطله ملح كل واحدة حسب كميه الملح اللى بتحطها
بعد كدة نغطى القارب كويس جدا بالفويل
ونخرمه فتحات صغيرة بشوكة اوبخلة زى ما انا عاملة بس خلى بالك
بعد كدة نرص عليها الفراخ بشويش
وبعدين نغطيها كلها بورقة فويل تانيةونقفلها كويس جدا
وبعدين ندخلها فرن سخن نسيبها فى الفرن ساعة ونص على الشبكة وبعدين
اطفى الفرن وشغلى الشواية نص ساعة علشان تتحمر وسيبيها متغطية لو مستعجلة اكشفيها وبعدين حمريه
وده شكلها النهائى معلش طلع لون الرز غامق شوية بس كانت لذيذة جدا
ليست هناك تعليقات:
إرسال تعليق